Ka Olebogeng Molale
Lefapha la thuto mono Kapa Bokone leare letla tsereganya kwa sekolong se segolwane sa EP Lekhela kwa Ipeleng mono Kimberley, ko gone baithuti le baruta bana ba bontshintseng go sa itumele, seno se latela morago ga gore baithiti ba mophato wa borobedi go fitlha wa marematlou ba dule ba sena baruta bana ba serutwa sa histori, english gammogo le dipalo sebaka sa dikgwedi dile tharo morago ga gore barutabana bale ba babedi ba ngale ditiro kantlha ya go sa duelwe.
Ka Lwaboraro kgwedi eno ele malatsi ale Supa baithuti bane ba swetsa go emisa dithuto gotlhelele le go bolotsa ditshupetso go ikuela go botsamaise jwa sekolo le lefapha la thuto gore ba busetse barutabana ba bone bao baneng ba ngadile kantlha ya go dira mme ba sa duelwe.
Mongwe wa barutwana o tlhalositse fa lapisitswe kentlha ya go tlhoka barutabana gonne seo se ba pateletsa gore barutane ka bo bone ebile , dithutsa tsa bone di amegile thata ka fa esetse ele dikgwedi go sena ope yo barutang serutwa sa dipalo.
“Ga re batle sepe re batla fela ba busetse baruta bana ba rona re kgone go tswelela ka dithuto re santse re tla bolotsa ditshupetso tsa rona go fitlhella lefapha la thuto le arabela selelo sa rona, paka yantlha ya dithuto e fedile go sena nko etswang lemina jaanong bare rona re dire ka tsela e ntseng jaang”
Ene yare moragonyana ga ditshupetso tsa baithuti gone ga nna le kopano ya batsadi ba le bone ba kaileng fa batla tsaya dikgato fa lefapha le sa tsereganye le go bona gore go thapiwa barutabana.
Mongwe wa batsadi Kenalemang Modise are ngwana wa gagwe o mo kaetse fa go tlhoka morutabana wa dipalo go amile thuto ya gagwe ebile a nale letshogo la gore a ka retelelwa ke go falola mo kwatareng yantlha ya ngwaga ono wa dithuto.
Sebuledi sa lefapha la thuto mo profenseng Geofrey Van der Merwe are lefapha lea itse ka mathata ao aleng gone , mme batla romela baruta bana bale babedi goya go simolola ka tiro , o boetse a kaya gore batla leka gotla ka mengwa e batla lekang go bona gore baithuti ba bona thuto ya tlaleletso go tswala sekgala sa nako eo bantseng ba sena barutabana.
“Fa ngwaga ono o simologa ke fa re lemoga gore palo ya baithuti e kwa godimo mme seo ke sona se pateletsang gore re tshwanetse go oketsa barutabana , ke ka moo kereng etlare kamoso barutabana ba tlaleletso batla simolola ka tiro ya go ruta , mme gape batla leka go thusa go bona gore gonna le nako ya tlaleletso gore barutwana banne mo dinakong ka dithuto tsa bone.Geofrey a konosetsa puo ya gagwe.
Comments are closed.