Olebogeng Molale
Lefapha la thuto mo profenseng ya Kapa Bokone leare le santse le tshwere phage ka mangana , go ka leka go konosetsa tshalelo morago ya go rebolela baithuti ba bashwa manno mo dikolong . Seno ke jaaka lefapha leno go fitlha ga jaana le kgonne go ka rebola manno ale dikekete tse some a mabedi le makgolo a marataro le bongwe(22 601) .Sebuledi sa lefapha Geofrey Van Der Merwe are etlare fa beke eno eya bokhutlhong batsadi batla fiwa tshono ya go amogela kanan go gana manno a ba abelwang ke lefapha , are go fitlha ga jaana go batsadi bao baneng ba kwadisitse bana ke dipresente dile masome a maroro supa phegelwana tharo bao ba amogetseng dikolo tseo lefapha le di abeetseng bana ba bone “ Etlare ka labotlhano fa kgwedi eno ele malatsi ale robedi batsadi kana balebeledi ba bana batla kgona go tsena mo websiteng ya rona ya www.ncdoeadmissions.org mo gone batla kgonang go ganana kana go dumalana le manno ao lefapha le a abelang barutwana ,mme website etla dira go fitlha fa kgwedi eno ele malatsi ale lesome le botlhano)”
Van der Merwe are batsadi bao ba sa kgonang go kwadisa bana ba bone ngwagola batla fiwa tshono ya go kwadisa bana ba bone mo go yone kgwedi eno , gotloga fa etlabe ele malatsi ale lesome le bongwe go fitlha fa etlabe ele malatsi ale lesome robedi “retla bulela bao basa kgona go kwadisa ngwagola tshono ya go dira jaalo, mme retla lebelela thata bao batlang nako e sale gone gore ba kgone go bona manno mo dikolong ebile retla nna le di senthara tseo ditla thusang ka ikwadiso go batsadi bao ba senang bokgone jwa go dirisa mafaratlhatlha a internet .Disenthara tseno ditla nna gone mo di dikeng tsotlhe go ralala profense.Re batla go gatelela thata gore batsadi ba tshwanetse go dumela kana go gana manno ao ba a abelwang pele ga Ferikgong ale malatsi ale masome a mabedi le botlhano”
Lefapaha le boetse le ikuela thata gore gonne le tirisano mmogo gotswa go batsadi le batlhokomedi , gore ere fa kgwedi eno ele malatsi ale masome a mabedi le bosupa baithithuti , botlhe ba bo ba bone manno mo dikolong mme ngwaga wa dithuto o kgone go simolola ka thelelo. Batsadi bao batlang ga etela di senthara tsa ikwadiso le bone ba gakololwa gore ba tshwanetse go obamela melawana eo ele gone ya go leka go thibelwa go anama ga mogare wa Covid 19 “Disenthara tsa rona ditla gagamatsa melawana ya thibelo ya go anama ga bolwetsi jwa Corona mme botlhe bao batla di etelang ba tshwanetse go sala melawana eno morago , bao ba kgoang go kwadisa bana ba bone bale kwa gae re ikuela thata gore ba dire jaalo gonne le tirisano mmogo gore re nne le ngwana wa dithuto o simololang ka tsela e siameng le ka matlhagatlhaga.
Comments are closed.