Ka Olebogeng Molale
Mokhuduthamaga wa lefapha la dipalangwa le tshireletsego ya baagi mono Kapa Bokone Nomandla Bloem are mo pakeng eno ya meletlo ya keresemose di senyi gaabo ke nageng,Bloem one a bua seno ka nako ya go thankgololwa ga letsholo la monongwaga la ipabalelo tseleng mme one a patlilwe ke mokomishenara wa nama o sa tshwere wa sepodise mo profenseng Major General P Mnguni , modulasetilo wa boto tsamaiso eo e kgatlhanong le baagi E.Homan ka kwa mmileng wa N12 Weighbridge kwantlenyana ga Kimberley.
Bloem are letsholo la thibelo ya bosinye mo pakeng ya meletlo ya keresemose le botlhokwa thata gonne mo pakeng eno ke mo gone dinokwane ditlang ka matlhale a go jabetsa baagi le go batla go ba tseela madi ao ba a diretseng ka thata mo gare ga ngwaga.
Are matsholo a twantsho ya bosinye atla etelelwa pele ke ditheo tseo di farologaneng tseo di lwantshang bosinye le mafapha oa a farologaneng go samagana le go gola ga dikgetsi tseo di golelelang kwa godimo tsa bosinye mo pakeng ya meletlo “Matsholo a rona atla etelelwa pele ke baitsanape bao ba naleng matlhagatlhaga,bokgone le di diriswa go netefatsa gore baagi mono Kapa Bokone ba sireletsegile ka dinako tshotlhe ka nako ya keresemose.
Mokhuduthamaga Bloem are tiriso ya nnotagi le diritibatse ke nngwe ya mathata ao a leng gone mono Kapa Bokone , mme le tsone di oketsa dipalopalo tsa bosinye le dikotse tsa tsela , mme o ikuetse go bao ba ba dirisang kgotsa gonwa nnotagi go enwa ka maikarabelo a magolo le gore baseke ba tsenya matshelo a bone le a batho ba bangwe mo kotsing. “Retla netefatsa gore re lebisa matsholo a rona kwa mafelong ao a naleng go tlala phetelela jaaka meletlo , mafelo a nnotagi jaaka di sheeben , di tarven gammogo le amangwe go netefatsa gore bao banwang nnotagi ba dira seo ka maikarabelo ebile ga rena re tlogela ope a itirela jaaka a rata.”
Comments are closed.